Dapurlegt...

...var á að horfa frammistöðu þingmannsins Ásmundar Einars Daðasonar (VG)!!!

Ég var staddur á þingpöllunum í kvöld og fylgdist með atkvæðagreiðslunni um þetta frumvarp.  Ég ætla ekki að tjá mig sérstaklega um það að sinni en bendi áhugasömum lesendum þessa bloggs á að lesa eldri færslur mínar um innstæðutryggingasjóðinn!

Það sem mér þótti aumast af öllu aumu í atburðum kvöldsins.  Aumast af öllu aumu sem ég hef orðið vitni að um langa hríð var að heyra þingmanninn Ásmund Einar Daðason (VG), 9. þingmann Norðvesturkjördæmis, gera grein fyrir atkvæði sínu vegna einnar af breytingatillögum minnihlutans, sem hann, að sjálfsögðu studdi ekki með þeim orðum að hann kæmi EKKI TIL MEÐ AÐ STYÐJA FRUMVARPIÐ Í HEILD SINNI VIÐ LOKAATKVÆÐAGREIÐSLU ÞESS!!  Það var á honum að skilja þarna að hann þyrfti ekki að samþykkja eina af breytingatillögunum þar sem hann kæmi til með að greiða atkvæði gegn þessu skelfilega frumvarpi!!!  Ég hugsaði með mér, rétt sem snöggvast, þarna er loksins annar þingmaður, líkur Ögmundi Jónassyni, sem þorir að fylgja sannfæringu sinni og stjórnarskrá Lýðveldisins Íslands og greiða atkvæði eftir eigin sannfæringu í málinu!!  Greiða atkvæði í samræmi við það eina sem þingmenn þessarar þjóðar eru bundnir af í vinnu sinni í þágu þjóðarinnar þ.e. 48. gr. Stjórnarskrár Lýðveldisins Íslands en þar segir orðrétt: "Alþingismenn eru eingöngu bundnir við sannfæringu sína og eigi við neinar reglur frá kjósendum sínum."!

Kom svo að að lokaafgreiðslunni og viti menn!!!!  Þingmaðurinn Ásmundur Einar Daðason GREIDDI ATKVÆÐI MEÐ þessu ömurlega frumvarpi!!!  Þarna voru ekki liðin nema örfá andartök á milli þess sem þingmaðurinn, keikur, stór, sterkur og fullur sannfæringar í samræmi við eigin SANNFÆRINGU, lýsti því yfir að hann myndi greiða atkvæði gegn frumvarpinu að hann GREIDDI ATKVÆÐI MEÐ FRUMVARPINU!!!!

Ýmislegt hef ég um dagana séð og marga fjöruna sopið en aldrei, aldrei, nokkurn tíma hef ég séð annað eins "Ragnar Reykáss" heilkenni á ævi minni!!

Heill sé þér Ásmundur Einar Daðason!  Heill sé sannfæringu þinni Ásmundur Einar Daðason!  Heill sé heiðarleika þínum Ásmundur Einar Daðason!  Heill sé þér Ásmundur Einar Daðason!!!

Ég vona innilega Ásmundur Einar Daðason að sannfæring þín í þessu máli, í samræmi við þinn málflutning, gefi þér góða nótt og heilladrjúgt nýtt ár!!!


mbl.is Alþingi samþykkti Icesave
Tilkynna um óviðeigandi tengingu við frétt

« Síðasta færsla | Næsta færsla »

Athugasemdir

1 identicon

Ég hugsaði með mér, rétt sem snöggvast, þarna er loksins annar þingmaður, líkur Ögmundi Jónassyni

Eftir sögulegan umsnúning Steingríms Joð, þá treysti ég Ögmundi ekki heldur, þó hann virðist skárri á yfirborðinu.  Hann er bara svo heppinn að fá að bera fræ VG, hann er í 'fræbankanum', eins og fræin í 'doomsday vault' á svalbarða, geymdur 'hreinn' til að spíra grænum sprotum endurnýjunar ef (þegar) vg er hent út í myrkur og ónáð vegna framgöngu sinnar á þingi.

Þú sérð Ögmund ekki berjast af neinum krafti fyrir sannfæringu sinni, hann er fullkomlega sáttur við að tala varlega, virða kúgun annarra stjórnarþingmanna við flokksagann og bíða þess óumflýjanlega með slepjulegan heilagleikasvip á andlitinu.

Gullvagninn (IP-tala skráð) 2.1.2010 kl. 08:37

Bæta við athugasemd

Ekki er lengur hægt að skrifa athugasemdir við færsluna, þar sem tímamörk á athugasemdir eru liðin.

Innskráning

Ath. Vinsamlegast kveikið á Javascript til að hefja innskráningu.

Hafðu samband