Mæltu...

...manna heilastur Tryggvi Þór!!!

Nú hefur formaður Framsóknarflokksins, Sigmundur Davíð Gunnlaugsson, fengið liðsmann úr röðum Sjálfstæðismanna við efnahagsaðgerðir þær sem hann og Framsóknarflokkurinn kynntu fyrir par vikum síðan!  Sigmundur Davíð hnykkti á þessum tillögum sínum í Silfri Egils í gær og benti á þá einföldu staðreynd að mest af þessum skuldum, einstaklinga og fyrirtækja, væru við "gömlu bankana" og búið væri að afskrifa megnið af þeim hvort eð væri!!!!

Virkilega athyglisverð bloggfærsla hjá Tryggva Þór, sem ég hvet alla til að lesa!  Úrtölumenn ættu að hafa í huga að fyrrverandi forsætisráðherra Sjálfstæðisflokksins, Geir H. Haarde, valdi Tryggva Þór sérstaklega, sem sinn ráðgjafa í efnahagsmálum í kjölfar bankahrunsins.  Eitthvað hlýtur því að vera spunnið í manninn en ég tek það fram að ég þekki hann ekki neitt og hef aldrei rætt við hann.

Þeir sem vilja kynna sér leið Framsóknarflokksins í sömu átt geta smellt hér.


mbl.is Tryggvi Þór: 20% af skuldum heimilanna verði felldar niður
Tilkynna um óviðeigandi tengingu við frétt

« Síðasta færsla | Næsta færsla »

Athugasemdir

1 identicon

Það að vitleysingur velji sér hálfvita til aðstoðar og láti hann svo fara þegar hann neitar að segja já við öllu, gerir ekki hálfvitann að minni hálfvita, nema síður sé.

Torfi Magnússon (IP-tala skráð) 16.3.2009 kl. 16:15

2 Smámynd: Púkinn

Það eru margir sem eru fullfærir um að borga af skuldum sínum - af hverju eiga þeir líka að fá þennan 20% afslátt?  Af hverju eiga þeir sem geta borgað skuldir sínar ekki að gera það?

Síðan er það svo sú siðferðislega spurning hvort réttlátt sé að kostnaðurinn við þessa aðgerð lendi á endanum á þeim sem hafa sýnt ráðdeild og ekki steypt sér í skuldir sem þeir ráða ekki við.  Hvers vegna á að refsa þeim?

Púkinn, 16.3.2009 kl. 16:32

3 Smámynd: Loftur Altice Þorsteinsson

Ég tel þessa hugmynd um 20% niðurfellingu skulda vera afspyrnu slæma. Þeir sem borga þessa niðurfellingu er væntanlega almenningur í gegn um ríkissjóð, eða bankana. Þá er enn eina ferðina verið að verðlauna stærstu skuldarana. Þar að auki er Alþjóðagjaldeyrissjóðurinn (AGS) búinn að hafna þessu.

Til er mikið betri lausn , sem kemur öllu hagkerfinu til góða. Þetta er upptaka nýs innlends gjaldmiðils undir myntráði. Ef US Dollar er metinn á 90 Krónur í stað 112 Krónur, sem er núverandi gengi, erum við að keyra verðbólguna til baka um 20% (90/112= 80%).

Með þessu móti erum við að lækka um 20% allar skuldir sem eru gengistryggðar og vísitölutryggðar skuldir um eitthvað í áttina að 20%. Að auki getum við skilað mestu af lánum AGS og losnað við þann gríðarlega vaxtakosnað sem þau munu valda okkur.

Loftur Altice Þorsteinsson, 16.3.2009 kl. 21:06

4 Smámynd: Snorri Magnússon

Sælir allir.

Það er best að ég taki það fram hér og nú að ég var ekki að segja að þetta væri eina sanna og rétta leiðin til að koma skuldsettum einstaklingum og heimilum til aðstoðar í því ástandi sem hér ríkir.  Það eina sem ég var að benda á er sú staðreynd að Framsóknarmadamman er búin að fá liðstyrk úr röðum Sjálfstæðismanna við þær efnahagstillögur sem hún lagði fram í gegnum nýjan formann sinn. 

Þetta er hinsvegar ein, af mjög mörgum, færum leiðum í þeirri stöðu sem við erum í.  Önnur leið, sem fram hefur komið t.d. hjá aðalhagfræðingi BSRB er sú að "endurstilla" þær vísitölur, sem notaðar eru í dag og reikna þær m.v. þann veruleika sem við erum nú að glíma við.  Fyrir þá sem það ekki vita þá erum við í dag að fá áhrif neyslunnar ca. 2005 - 2007 inn í þær vísitölur, sem virka til hækkunar allra okkar lána í dag, skv. því sem áðurnefndur hagfræðingur sagði í Silfri Egils fyrir allnokkru síðan.  Þetta kannski skýrir það sem haldið hefur verið fram af stjórnvöldum að við förum að sigla lygnari sjó í kringum 2011 - 2012.........

Þá er rétt líka að benda á að fréttir komu af því, fyrir ekki margtlöngu, að AGS hafi EKKI verið mótfallinn þessari hugmynd þegar hana bar á góma (hef ekki tíma núna til að "googla" eftir þeim - annars myndi ég gera það og birta tengil á þær hér - kemur kannski síðar).

Þá er og rétt að hafa í huga, við túlkun orða hagfræðinga að hagfræðin fellur undir félagsvísindi- en ekki raunvísindi!

Snorri Magnússon, 19.3.2009 kl. 11:21

5 Smámynd: Loftur Altice Þorsteinsson

Snorri, ekki nefna vísindi í sama orðinu og hagfræði.

Loftur Altice Þorsteinsson, 19.3.2009 kl. 11:29

6 Smámynd: Snorri Magnússon

Ævinlega og innilega FYRIRGEFÐU mér Loftur. 

Það var einmitt þetta sem ég átti við með hagfræðina - þetta eru EKKI vísindi.

Snorri Magnússon, 21.3.2009 kl. 21:22

Bæta við athugasemd

Ekki er lengur hægt að skrifa athugasemdir við færsluna, þar sem tímamörk á athugasemdir eru liðin.

Innskráning

Ath. Vinsamlegast kveikið á Javascript til að hefja innskráningu.

Hafðu samband