Undarlegt líf...

...þetta fjármálalíf.  Fyrir venjulegan launamann á hinum kalda klaka hefur suðið alltaf verið á þá leið að fjármálamarkaðirnir virðast lifa eigin lífi, án atbeina mannanna.  Síbyljan, sem skellur á eyrum fólks, er sú að þessi eða hin vísitalan hafi, fyrir einhver óskiljanleg taugaboð sjálfs sín, tekið kippi upp eða niður o.þ.a.l. sé þetta eða hitt á þennan eða hinn veginn.

Nú kveður við annan tón.   "Óprúttnir miðlarar" eru komnir með klærnar í litlu sætu íslensku krónuna, sem á sér einskis ills von þar sem hún svamlar í miðju Norður Atlantshafinu, sæt með roða í kinnum og lifir sínu lífi í sjöunda himni (eða kanski fimmtánda himni núna) án tengsla við veruleikann.  Hinir "óprúttnu miðlarar" eru að reyna að knésetja þessa elsku, sem hefur dugað okkur svo einstaklega vel allt frá upphafi vega - eða því sem næst.

VAKNIÐ!  HUGSIÐ!  LESIÐ! 

www.vald.org

Reynt að brjóta fjármálakerfið

Athugasemdir

[Torfi Magg (IP-tala skráð) 5.4.2008 kl. 00:42]

Elsku vinur minn, hvað það hlýjar mér um hjartaræturnar að sjá að ég hef áhrif inn í þitt líf.  Samsærisstaðreyndirnar eru allsstaðar, við þurfum bara að vera nógu huguð til að opna augun, fyrst annað svo hitt. Svo þegar við erum búin að opna bæði kvikyndin, förum við að hnippa í vini okkar og samferðamenn.