"Ég veit ekki...

...hvort það er lagalega, tæknilega gerlegt" sagði fjáramálaráðherra, í viðtali við visir.is þar sem hann var inntur eftir málefnum Sjóvár, arðgreiðslum eigenda þess til sjálf sín og hvort hægt yrði fyrir ríkisvaldið að innheimta til baka þessar arðgreiðslur.

Eins og alþjóð, væntanlega, veit greiddu eigendur Sjóvár sér arð sem nam um 170% af hagnaði félagsins árið 2007.  Undarlegt í meira lagi, svo ekki sé meira sagt!!

En það er sem sagt, að mati fjármálaráðherra, erfitt að innheimta þennan arð, hjá þessum mönnum.  Það var hinsvegar ekkert mál að koma félaginu til bjargar með 16 milljarða framlagi ríkisins á sama tíma og verið er að skerða almannaþjónustu, löggæslu, fæðingarorlof, koma á tekjutengingum í almannatryggingakerfinu o.s.frv.  Það er greinilega "lagalega, tæknilega gerlegt" og ekkert mál að láta almenning borga tómann brúsann eftir stærsta fjármálafyllerí veraldarsögunnar!!

Á, yfir höfuð, að gera nokkurn skapaðan hlut í þessu sukki öllu saman, annað en að láta almenning borga brúsann?  Við getum svo sem vel við unað með þetta allt saman enda erum við ekki þjóðin eins og fyrrverandi formaður Samfylkingarinnar komst svo skemmtilega að orði.

"Helvítis, fokking, fokk!!"