Björninn...

...í austri farinn að sýna klærnar aftur??

Gæti verið að þetta hefði eitthvað með fréttir af draumum Bush um innrás í Íran að gera??  Það skyldi þó ekki vera??

Átta rússneskar sprengjuflugvélar yfir Norður-Atlantshafi

Stórkostlegur...

...söngvari fallinn frá.

Luciano Pavarotti látinn

Auglýsing...

...fyrir síma??  Hvað á hún skylt við trú, hvaða trú svo sem það er sem hver og einn játar innra með sér - nú eða ekki?

Auglýsingin er afar vel unnin, hugmyndin á bak við hana þrælhugsuð en mótívið er afar smekklaust, gagnvart þeim sem trúa og vilja halda í sína trú í friði fyrir ágengni þeirra, sem lýsa því yfir að þeir trúi ekki.  Mig minnir þó að Jón Gnarr hafi eitt sinn lýst því yfir að hann væri afar trúaður maður en spyr mig nú, eftir að hafa séð þessa auglýsingu, á hvað hann trúi blessaður maðurinn.

Jesú og jafnvel Guð hafa eflaust hið ágætasta skopskyn en það er nú bara einu sinni svo í henni veröld að almennt séð, hvort sem það hefur með trúmál eða eitthvað annað að gera, er ekki gert grín að atburðum sem hafa leitt til dauða fólks - eða hvað??? 

Í ljósi þessa spyr ég, líkt og Biskupinn yfir Íslandi, "Við horfum upp á það að það er, það er ekkert heilagt og hvar endar það?"

Það má svo jafnvel rökræða þá einföldu staðreynd hversu ókurteist það er og dónalegt að vera að nota GSM síma í miðjum máltíðum með kærum vinum sínum og vandamönnum.  Ég held ég myndi nú leyfa mér að meina það að Jesú myndi ekki gera slíkt væri hann uppi á okkar dögum 

Síminn hefði, að mínu mati, betur látið það ógert að ganga þennan veg í auglýsingaherferð sinni fyrir 3G tækninni.

Biskup segir nýja auglýsingu Símans smekklausa

Æ, æ, æ...

...enn eitt dæmið um endalaust getuleysi, skort á yfirsýn, lélega stjórnun, alltof mikla pólitík o.s.frv, o.s.frv, o.s.frv, innan SÞ.  Eitthvað sem alls ekki kemur á óvart þeim sem eitthvað til þekkja!!!!

Það sem að John Bolton, fyrrverandi sendiherra BNA hjá SÞ sagði eitt sinn um SÞ á enn fyllilega rétt á sér þ.e. að þó að tíu hæðir yrðu skornar ofan af höfuðstöðvunum og þær allar og allt sem í þeim væri yrði fjarlægt myndi það ekki hafa nein áhrif á starfsemina eða stofnunina sjálfa!!!!  Nokkuð nöturleg ummæli um annars ágæta hugmynd að stofnun, sem taka átti við vandamálum sem League of Nations (1919 - 1946) réði ekki við á sínum tíma.  SÞ er bara, því miður, orðið miklu stærra blaðurbákn en League of Nations var á sínum tíma.  Þar innan veggja fær orðið BLAÐUR allt aðra og miklu dýpri merkingu en ella.........því miður!!!!!

SÞ hefja rannsókn á hættulegum efnum sem fundust í New York

Þarna þarf...

...að laga verulega til!  Merkingar eru afar slæmar og lýsing, við þá staði þar sem verið er að fara á milli akreina, langt frá því að vera nægjanlega!  Aðvörunarljós, sem þarna blikka, eru alltof dauf og alltof fá!  Það vantar miklu lengri aðdraganda merkinga, og vel upplýstann að næturlagi, að þeim breytingum sem ökumenn eru að aka fram á!

Sjálfur búinn að aka þarna fram og aftur margoft.

Vélhjólaslys á Reykjanesbraut

Hún er skrýtin tík...

...þessi pólitík en hún má nú reyndar eiga það að hún hugsar vel um sig og sína!!

Synd að fréttamenn geti ekki orðið flutt fréttir á hlutlausan hátt í friði fyrir utanaðkomandi áhrifum.  Þetta er hinsvegar kannski bara það sem við er að búast þegar eignarhald á einhverju eins og t.d. fjölmiðlum er hjá aðilum sem þurfa að hugsa út frá fjárhagslegum frekar en faglegum fréttaforsendum??

Hvað fer að gerast á RÚV ohf núna????  Ríkisstofnun, sem endalaust var í einhverjum fjárhagskröggum er nú allt í einu orðin eigandi að margra milljóna króna lúxusfarartæki, sem forstjórinn einn skottast á bæjarhluta á milli!!!  Þar hefur nú reyndar líka pólitíkin fengið að blómstra í gegnum áratugina.

Þóru Kristínu sagt upp á Stöð 2

Mjúkar...

...mýkri, mýkstar!!!!  Miðjumoð um ekki neitt.   Orð á orð ofan, sem innihalda ekki neitt, um ekki neitt.

Hvað eru eiginlega "mýkri" varnir?  Getur einhver frætt mig á því?

Unnið að gerð ógnarmats fyrir Ísland

Á að leyfa...

...núverandi eigendum að komast upp með að eyðileggja hluta af sögu, ekki bara Reykjavíkur heldur allra Íslendinga???

Hvað eru borgaryfirvöld að hugsa?  Af hverju er þetta dót ekki allt saman bara tekið eignarnámi og minjavernd látin sjá um að koma þessum byggingum og götumynd í upprunalegt horf. 

Ég er nánast alveg 100% sannfærður um að ef framkvæmd yrði skoðanakönnun meðal almennings á því hvað fólk vildi sjá gerast á þessum byggingarreit yrði útkoman sú að meirihluti þátttakenda, í þeirri skoðanakönnun, yrði hlynntur því að húsin yrðu endurbyggð í UPPRUNALEGRI mynd, líkt og gert hefur verið við t.d. gamla "Fógetann" í Aðalstræti.

Þá vil ég, fyrst ég er kominn í ham, leyfa mér að stinga upp á því að lýtin á gamla Íslandsbankahúsinu, sem nú hýsir Héraðsdóm Reykjavíkur og gamla Landsbankahúsinu verði rifin utan af þeim byggingum og þær einnig færðar í upprunalegt horf!!!  Það væri yndisleg gjöf frá Björgólfsfeðgum, til þjóðarinnar, þegar þeir færa höfuðstöðvar Landsbankans í nýtt húsnæði milli Geirsgötu og Hafnarstrætis / Tryggvagötu, að þeir afhendi gömlu höfuðstöðvarnar í upprunalegri mynd, til þjóðarinnar.

Þar sem ég er kominn á flug ætla ég að halda áfram og stinga upp á því að framhliðin á viðbjóðnum, sem er á milli Hótel Borgar og gamla Reykjavíkurapóteksins verði færð í það horf að hún falli að götumynd Pósthússtrætis.

Og hana nú!!!!!!!

Austurstræti 22 rifið

Afar...

...athyglisvert. 

Nú spyr sá sem ekki veit.  Eru ekki svona skjaldbökur frekar gefnar fyrir hlýsjó en kaldsjó?  Það vekur þá, strax og eðlilega, upp aðrar spurningar. 

• Er þetta enn eitt dæmið um hlýnun loftslags á jörðinni og þá sjávar í leiðinni? 
• Hvernig hitatölur vorum við að sjá á Íslandi 1963 og þá bæði á landi og í sjó?
• Er þetta allt saman bara hébylja ein og bara um að ræða "eðlilegar" hitasveiflur í náttúrunni?

Þetta leiðir svo aftur hugann að enn öðru þ.e.a.s. nýlegum fréttum af þorskgengd við austurstrendur Grænlands þar sem einn af togurum Samherja ku hafa verið að veiðum, eftir að hafa verið lengst norður í ballarhafi þar áður???  Þorskur er jú kaldsjávardýr, er það ekki rétt skilið hjá mér?  Þá minnir mig einnig að hafa heyrt áður sögur af mikill þorskgengd lengst norðan við land á meðan lítið sem ekkert var að veiðast við Íslandsstrendur???? 

Að þessu spyr sá sem ekki veit en þeir geta kannski svarað sem meira vit hafa á þessum hlutum??

Fann tæplega 400 kílóa risaskjaldböku í Steingrímsfirði

Ég á ekki...

...orð.  Hver trúir þessu endalausa bulli og þvaðri um og í kringum Osama bin Laden.  Náðu honum næstum því!!!  Þeir (bandaríkjamenn) hafa vitað og vita enn nákvæmlega hvar hann heldur sig!!  Vandamálið sem þeir standa frammi fyrir, blessaðir karlarnir er það hvernig eigi að losna við hann!! ef þeir handsama hann eykur það hættuna á hryðjuverkum, sennilega hundrað ef ekki þúsundfalt!!!  Ef þeir drepa hann eykur það hættuna á hryðjuverkum, sennilega hundrað ef ekki þúsundfalt!!! 

Þetta ástand er það sem kaninn myndi kalla "Loose - Loose situation!" þ.e.a.s. það er sama hvað gert er þeir munu alltaf tapa, nema ef þeir gera ekki neitt!!

Svo má heldur ekki gleyma að því að "skrímslið" var búið til af BNA til að berjast gegn herjum Sovétríkjanna sálugu í Afghanistan til að auðvelda aðgengi að olíu í Kaspíahafi og víðar........

Þeim sem áhuga hafa, vilja og nennu bendi ég á að lesa bækurnar "Holy War Inc., Inside the Secret World of Osama bin Laden" eftir Peter L. Bergen (ISBN 0-297-82912-2) og "Rogue State, A Guide to the Worlds Only Superpower" eftir William Blum (ISBN 1-56751-374-3).

Pólitík og aftur pólitík.

Bandaríkjamenn náðu næstum bin Laden árið 2004