Hvað er...

...að heyra?  Er fjármálaspútnikunum eitthvað að förlast flugið?  Eða gæti það verið að það sé minna bak þess, sem vænst hefur verið og byggt upp í kringum?

Eins og ríkidæmi þessara nýríku Íslendinga hefur komið almenningi þessa lands fyrir sjónir undanfarin ár hlýtur eitthvað undan að láta að lokum..............eða hvað?

Ég heyrði viðtal við Pétur Blöndal alþingismann og tryggingastærðfræðing m.m. í morgunútvarpi einnar útvarpsstöðvarinnar, á leið í vinnu um daginn.  Þar kom hann inn á þessara gríðarlega háu "bókfærðu eignir" og hvernig þessir þessi "fjáramálasnillingar" hafa verið að selja hverjir öðrum og sjálfum sér einhver bréf í sjálfum sér og hverjum öðrum án þess að á bak við þau væru raunverulegar eignir eða virðisaukandi starfsemi....................  Afar áhugavert viðtal við afar vel gáfum gæddan mann!

Úr gríðarmiklum hagnaði í taprekstur

Athugasemdir

[Sævar Einarsson, 21.10.2007 kl. 08:57]

Ég hef aldrei skilið fyrirtæki eins og Flugleiðir núna FL grúpp, ég fór að veita þessu fyrirtæki eftirtekt í kringum 1988 og ár eftir ár voru þeir að skila tapi og þegar þeir skiluðu hagnaði var það þegar vélar voru seldar og leigðar til baka og þá var "hagnaður" á rekstrinum. Mjög áhugavert þetta með lágjaldaflugfélagið Easy Jet(mig minnir að það heiti það) þegar Pálmi verslaði það fyrir slikk fyrir nokkrum árum og FL grúpp verslaði það svo á 13 milljarða 2 árum seinna, tölur geta hafa skolast til hjá mér en hagnaðurinn var fáránlega mikill á ekki lengri tíma.

[Snorri Magnússon, 3.11.2007 kl. 21:39]

Já, þetta er ekkert annað en bókfærðar tölur fram og til baka á einhverjum pappírum, sem þessir "snillingar" í viðskiptalífinu eiga hver í öðrum.  Heyrðist ekki einmitt, í kringum sameiningu GGE og REI að verið væri að þessu til að "lagfæra" fjárhagsstöðu meirihlutaeiganda FL Group gagnvart Landsbanka Íslands??  Undarlegt ef satt er - en það fæst sennilega aldrei staðfest nokkurs staðar................