Það styttist...

...í að ástandið hér á landi verði eins og það er víðast hvar erlendis þar sem almenningur skiptir sér ekki af nokkrum hlut af ótta við líkamsmeiðingar, skemmdarverk, lögsókn o.fl. í þeim dúr. 

Þetta ástand kemur mér alls ekki á óvart og óttast ég, því miður, að það eigi enn eftir að versna (vonandi hef ég þó rangt fyrir mér). 

Bendi ég fólki á fréttir RÚV á föstudagskvöldið (minnir mig) þar sem fram kom að um þrjátíu (30) lögreglumenn hefðu hætt störfum hjá lögreglunni á höfuðborgarsvæðinu það sem af er ári!!!!

[e-mail] sagði líka í stuttfrétt, fyrir allnokkru síðan: "Annað sem Björn hefur ekki náð utan um enn sem yfirmaður lögreglu í landinu er að gera það starf eftirsóknarvert.  Lögregluskólinn hefur nú starfað í allmörg ár en enn þarf lögregla að grípa til þess ráðs að bjóða ómenntuðu fólki störf við afleysingar í sumar sem áður.  Haldin verða sérstök undirbúningsnámskeið og inntökupróf fyrir þá er áhuga hafa en hvorugt mun nýtast síðar til inntöku í lögregluskólann.  Laun og starfsaðstaða önnur hjá lögreglu er einnig með þeim hætti hjá embættum víðast hvar að brottfall þeirra sem klára nám við skólann hefur verið hátt undanfarin ár."

Þetta skýrir, að sjálfsögðu ekki, það ástand sem fréttin fjallar um, en að hluta til þó því ljóst má vera að þar sem lögregla stendur eða sést skemma menn ekki eigur annarra svo glatt.

Ég hrósa þessum manni sérstaklega fyrir hugrekki hans og að láta þessi skemmdarverk ekki óátalin - og óska honum skjóts og góðs bata af áverkunum sem hann hlaut.

Barinn fyrir afskipti af skemmdaverkum

Hvað...

...varð um lækkunina hjá öllum hinum?  Í hvers vasa fór hún?

Ég segi eins og LM - Hver eru þessi fjögur veitingahús, sem staðið hafa sig í stykkinu?  Þetta myndi ég gjarnan vilja fá að vita þ.a. ég geti beint viðskiptum mínum, og annarra vandamanna, þangað og frá þeim sem ekki lækkuðu!!!

Verðlækkun hjá 4% veitingahúsa frá því í mars

Kominn tími...

...á að hefja annað stríð einhversstaðar til að koma efnahagsmálum í Guðs eigin landi í lag aftur...

Ekki horfið frá núverandi vaxtastefnu

Olíuhreinsistöð...

...í landi Hvestu í Arnarfirði!!!!!! 

Hvað er að mönnum, sem dettur það í hug að spá í byggingu olíuhreinsistöðvar í Arnarfirði????  Fæðingarfirði sjálfs Jóns Sigurðssonar!!!!  Af hverju ekki bara að byggja hana á Þingvöllum????

"Norðan Arnarfjarðar liggur meða annars Hrafnseyri, kirkjustaður og fyrrum prestssetur.  Þar fæddis, 17. júní 1811, Jón Sigurðsson, einn helsti leiðtogi í frelsisbaráttu Íslendinga á 19 öld."  (http://is.wikipedia.org/wiki/Arnarfj%C3%B6r%C3%B0ur)

Hvað er að mönnum sem dettur það í hug að spá í að byggja olíuhreinsistöð í námunda við hreina náttúru og viðkvæm fiskimið þjóðarinnar????

Er það nema von að Íslendingar staldri við og spái aðeins í það hvað er eiginlega í gangi??

Óskynsamlegt að staðsetja olíuhreinsunarstöð á Vestfjörðum

Ég skil...

...þetta ekki.  Hvað voru margir veitingastaðir í miðborginni þegar "Hallærisplanið", með öllum sínum löstum, var og hét.  Mig minnir að þá hafi nú aldeilis verið talað um ástand í miðborginni.  Ástand sem taka þyrfti á og að því að mig minnir með fjölgun veitingahúsa þ.a. fólk hefði nú í einhver öldurhús að venda og þyrfti ekki að vera að þvælast ofurölvi úti á götum sjálfum sér og öðrum til leiðinda og ama.

Nú svo var ástandið algerlega óþolandi þegar allur skríllinn æddi út á götur borgarinnar, úr öllum öldurhúsunum, klukkan þrjú að nóttu og margir fóru að slást um leigubíla eða eitthvað annað.  Þá skyldi nú tekið á vandanum með því að leyfa nokkrum "útvöldum" öldurhúsum að hafa opið lengur en öðrum og hafa þannig "skaraðan" opnunartíma.  Þetta gekk að sjálfsögðu ekki því þarna voru yfirvöld að mismuna þegnunum þ.a. annaðhvort yrðu allir opnir fram undir morgun eða enginn.  Raunin var það góð, af þessum framlengda opnunartíma, að ákveðið var að leyfa bara öllum að vera með opið fram undir morgunn og þá, náttúrulega færðist hópasöfnunin aðeins til í nóttinni.

Ástandið var orðið illþolanlegt því verið var að berja fólk hægri vinstri og svo voru gerðar kannanir, sem sýndu fram á að ofbeldisverkum hafði, skv. súluritum, eitthvað fækkað í miðborginni.  Læknar á LSH sögðu aðra sögu, sem og fyrrverandi lögregluforingi, sem kom fram í fjölmiðlum og sagði tölurnar ekki réttar - hætti svo stuttu síðar, minnir mig, í löggunni.

Nú er aftur blásið í lúðra út af "ástandinu" sem þarf að laga með öllum tiltækum ráðum og samstilltu átaki ýmissa aðila.  Í þessari grein kemur einnig fram að ofbeldisbrotum, sem framin eru á milli kl. tólf á miðnætti og sex að morgni, hafi fjölgað.

Nú kemur að því sem ég skil ekki.  Er ég að verða vitlaus eða eru menn að fara og tala í hringi??  Verðugt verkefni, fyrir einhvern rannsóknarblaðamanninn, að skoða hvernig þessum málum er í raun háttað og hefur verið í gegnum árin.  Það mætti þá líka skoða áherslur lögreglunnar í þessum efnum og hvernig mannamálum þar innandyra er og hefur verið háttað.  Bara svona hugmynd!!!

Sammála um að bæta þurfi ástandið í miðborginni

Hvað...

...er skrýtið við þetta?  Ekki neitt þegar launaseðlar fólks, sem starfar í uppeldis- og umönnunargeiranum, eru skoðaðir.  Mér sýnist fleiri boggarar hafa bent á nákvæmlega þetta sama, hér á undan mér og þar sem margítrekað er búið að benda á þessu einföldu staðreynd ætla ég að láta hér staðar numið.

Hækkið launin við fólk sem vinnur við uppeldis- og umönnunarstörf og þá fást í þau bæði afar hæfir og ekki síður nægir starfskraftar!!!!!!

Mannaekla á leikskólum, grunnskólum og frístundaheimilum

Ja hérna!!

Er eitthvað búið að skoða hver eða hverjir fengu "commission", og þá hversu háa, vegna kaupa/sölu á þessu fleyi???

Það væri fróðlegt að fá að vita!!

Tappi hélt dallinum á floti

Maðurinn...

...á bak við tjöldin.  Maðurinn á bak við "kosningasigra" Bush.  Stoltur af verkum sínum og því að hafa fengið að "þjóna" Bush. 

Það er mikið sem þessi maður ber ábyrgð á, ef marka má þessa frétt.  Fátt, sýnist mér, sem hann hinsvegar getur verið stoltur af en það er gott fyrir hann, ef hann virkilega trúir því í hjarta sínu, að hann telji sig hafa gert góða hluti.

Ég er ekki viss um að hann fái háa einkunn þegar hann mætir skapara sínum...

Skoðið endilega www.vald.org og sjáið hversu mikið hefur verið afrekað í efnahagsmálum, tilbúningi nýrra starfa o.fl. í BNA í stjórnartíð Bush.

Rove kvaddi Bush með stolt í hjarta

Hvað...

...hefur gufað upp? 

Það var ekkert nema einhverjar tölur á blaði - eða hvað? 

Jú einhverjir saklausir einfeldningar, eins og ég, hafa lagt fram hluta af mjólkurpeningum barnanna sinna í þessi viðskipti og tapa svo einhverju - jafnvel öllu - þegar þeir reyna að fá peningana sína til baka við sölu bréfanna sinna, í dauðans ofboði, við þessar fréttir. 

Gerðust ekki svipaðir hlutir hér á landi þegar menn, í einhverju bjartsýniskasti tóku sér lán í bönkum til að kaupa hlutabréf á uppsprengdu verði í DeCode.  Hlutabréf sem síðan hrundu niður við skráningu fyrirtækisins í kauphöllinni í New York. 

Jóakim frændur vorra tíma tapa hinsvegar ekki sínu því þeir, líkt og bankarnir, eru með allt sitt á hreinu - ALLTAF...

Enn og aftur bendi ég mínum fáu lesendum á að kíkja á www.vald.org

850 milljarðar hafa gufað upp í dönsku kauphöllinni

Enn...

...bendi ég á skrif Jóhannesar Björns á www.vald.org

 

Seðlabanki Evrópu leggur bönkum til meira lausafé