Og...

...hvað svo?  Hvað verður um þessa rannsókn?  Var ekki verið að flytja af því fréttir um daginn að verið væri, hugsanlega, að selja Kaupþing banka í Lúxemborg til, af öllum löndum, Líbýu?  Við þá sölu, eða hvað sölu á bankanum sem er, verður skrúfað fyrir þann möguleika að fylgja peningunum eftir út úr Kaupþing banka í Lúxemborg og þar með er rannsókninni sjálfhætt!!

Við svona rannsóknir, sem og t.d. rannsóknir í fíkniefnamálum, skiptir gríðarlega miklu máli að geta fylgt peningunum eftir (e. "follow the money") en þannig er komist að kjarna rannsóknarinnar og þeim sem að baki standa og hirða allan gróðann.

Ég er ekki alveg viss um að yfirvöld hér á landi geri sér almennilega grein fyrir því hverslags "gullnámu" upplýsinga þau eru komin með í hendurnar.  Með "eignarhaldi" sínu á bönkunum þremur, sem ALLIR voru með útibú í skattaparadísum bankanna s.s. Lúxemborg - en þar fara í gegn ótrúlegar fjárhæðir inn á svokallaða "off shore" reikninga t.d. á eyjunum í Karíbahafinu og víðar - eru íslensk yfirvöld komin með lyklavöldin að áframfærslu fjármuna ekki bara íslenskra "auðjöfra" heldur mjög líklega erlendra líka, sem margir hverjir skjálfa örugglega á beinunum um þessar mundir.  Við sölu þessara erlendu útibúa bankanna lokast dyrnar að Pandóruboxunum, sem við nú höfum lykilinn að.  Lykil, sem jafnvel væri hægt að selja öðrum Evrópuríkjum gegn vægu gjaldi...

Áhugasömum bendi ég á bókina "The Octopus - Europe in the Grip of Organized Crime", sem skrifuð var af Brian Freemantle fyrrum ritstjóra alþjóðamála hjá The Daily Mail.  Bókin var gefin út í Bretlandi árið 1995 - ISBN númer bókarinnar er 1 85797 609 6.

Rannsaka millifærslur

Stofufangelsi...

...sorgleg frétt um að maður, sem stelur milljörðum, á milljarða ofan, með einhverri svikamyllu, skuli sitja í "stofufangelsi" í vellystingum heima hjá sér á meðan þeir sem hann sveik og prettaði svipta sig lífi!!!

Enn eitt sorglegt dæmið um endalausa spillingu fjármálaaflanna!!! 

Ég heyrði einhvern tíma sagt að ef þú skuldaðir bankanum þínum milljón þá ætti bankinn þig en ef þú skuldaðir honum eitthundrað milljónir þá ættir þú bankann!!

Lesið, hugsið, skrifið.

www.vald.org

Sjálfsvíg vegna svika Madoffs

Heimskreppan...

...er fyrirsögn fyrsta kafla, fyrra bindis, bókarinnar "Kreppuárin á Íslandi 1930 - 1939, sem gefin var út af bókaútgáfunni Erni og Örlygi árið 1986. 

Fyrsta málsgrein þessa fyrsta kafla (bls. 9.) þessarar mjög svo athyglisverðu bókar hljóðar svo:

"Kreppan á Íslandi á fjórða áratugi þessarar aldar var síður en svo séríslenskt fyrirbæri þótt hún bæri ýmis heimaeinkenni.  Hún var sprottin af erlendum rótum, vitnisburður um ófarir hins alþjóðlega fjármagnskerfis árið 1929, um hrunið mikla á verðbréfamarkaðinum í Wall Street í Bandaríkjunum í októbermánuði þetta ár, um aðferðir og aðgerðarleysi misviturra stjórnmálamanna og viðskiptajöfra og glöggur vottur um jafnvægisleysi í alþjóðastjórnmálum."

Nokkru síðar, í sama kafla, undir millifyrirsögninni "Bankagjaldþrotin", á bls. 12, segir m.a:

"Þetta tvennt, verndarstefna og fjárbinding, stuðlaði mest að því að breiða út og magna hana.  Árið 1931 voru áhrifin farin að segja illilega til sín í evrópsku fjármálalífi og í maí þetta ár komst stærsti banki Austurríkis í fjárþrot.  Bankinn hafði lánað fyrirtækjum sem kreppan hafði komið illa við og mikill hluti lánanna voru langtímalán.  Hins vegar hafði bankinn tekið skammtímalán og var það fjármagn að stórum hluta komið frá Bandaríkjunum með einum eða öðrum hætti.  Nú var hinsvegar tekið fyrir fjármagnsstreymi þaðan og bankanum varð ekki bjargað nema með frystingum innistæða og alþjóðlegum skraplánum."

Hljómar þetta kunnuglega? 

Og svo tala "fjármálasérfræðingar" um fjármálaheiminn eins og hann lúti einhverjum náttúrulögmálum!  Kreppan kemur og kreppan fer á einhverjum áratugafresti!!  Bla, bla, bla.

VELKOMIN TIL ÍSLANDS ÁRIÐ 2008, AÐ VERÐA 2009!!!

Lesið, hugsið, skrifið!!!!!

www.vald.org

Óttast að uppúr sjóði

"Óheppilegt"

Ég var að fara yfir eldri gögn hjá mér og rakst á þennan pistil, sem ég flutti í útvarpinu (morgunþætti Kiss FM 89,5 - stöðin er hætt útsendingum) fimmtudaginn 31. ágúst 2006.

Mér fannst athyglivert að lesa pistilinn núna, sérstaklega í ljósi þess sem hefur verið að gerast undanfarnar fimm vikur eða svo og fannst því rétt að birta hann hér ef vera kynni að einhver hefði áhuga á að lesa hann:

"Það var óheppilegt, sagði lagaprófessorinn á Akureyri, um það að Árna Johnsen skyldi verða veitt uppreisn æru sinnar vegna brota sem hann framdi, ekki einungis í opinberu starfi, heldur sem þingmaður á hinu háa Alþingi Íslendinga. Sjálfri löggjafarsamkundunni þar sem samin eru lög fyrir sauðsvartan almúgann að fara eftir. Ef við, aumingjarnir, förum svo ekki eftir lögunum erum við dæmd til refsingar, sem allt er nú gott og vel. Það sem hinsvegar vekur sérstaka athygli í þessu máli er að maður, sem á starfa síns vegna, að vera fyrirmynd okkar hinna – hann jú átti þátt í því til margra ára að setja okkur leikreglurnar – skuli, nánast óumbeðið, ef marka má orð hans sjálfs í fjölmiðlum fá uppreisn æru fyrir það að stela frá okkur til sinna eigin þarfa. Það sem vekur líka athygli í þessu öllu saman er sú staðreynd að það skuli vera flokkssystkin hans úr Sjálfstæðisflokknum, sem handhafar forsetavalds í fjarveru Forseta Íslands, sem tóku þá undarlegu ákvörðun að veita Árna Johnsen uppreisn æru sinnar. Þau hefðu betur, að mínu mati og reyndar lagaprófessorsins á Akureyri líka, beðið komu Forsetans til landsins og leyft honum að glíma við þessa þraut. En þetta er nú allt saman búið og gert líkt og glæpur Árna sem hann hefur jú tekið út sína refsingu fyrir í einu af yfirfullum fangelsum landsins. Hann virðist líka vera einn af afar fáum sem náð hafa að koma þaðan út fullur iðrunar, lofandi bót og betrun og það sem meira er hafandi fundið listagyðjuna innra með sér í betrunarvistinni og límir saman grjót í gríð og erg. Árni greyið talaði nú reyndar um að þetta hafi allt saman verið mistök þegar rætt var við hann í sjónvarpinu í gær og ætli hann hafi ekki bara óvart LENT í þessu óhappi. En – batnandi mönnum er best að lifa segi ég og til hamingju Árni með að komast aftur að kjötkötlunum.

Það er þá kannski líka von, fyrir olíusamráðsfurstana, eftir að þeir hafa hlotið sinn dóm og uppreisn æru frá m.a. maka sínum að þeir finni innra með sér frið og ró eftir að hafa haft af meginþorra landsmanna fé, með ólögmætum hætti til margra ára, að þeir finni hjá sér skapandi þörf og haldi jafnvel sýningar á einhverjum klessuverkum eða grjóthnullungum, sem þeir gætu svo, sameinast um að selja ríkinu á uppsprengdu en að sjálfsögðu sama verði allir sem einn. Einn fyrir alla og allir fyrir einn sögðu skytturnar þrjár. Kannski það hafi líka verið kjörorð olíufurstanna þriggja?

Æ það er svo gaman að fylgjast með stjórnendum bananalýðveldisins, hverjum á fætur öðrum reyna að draga hvern annan upp úr skítnum, sem þeir hafa mokað yfir sig trekk í trekk, algerlega hjálparlaust. Svo er talað og talað og malað og malað og lofað og lofað og svikið og svikið og stolið og stolið, meira og meira úr vösum almúgans til að lækka skatta og minnka skyldur þessara sömu bananatínslumanna. Stolið svo furstarnir geti haldið úti vinnuhjúum og farið til útlanda á okkar kostnað. Við erum jú bara óþjóðalýður og skríll, sem ekki einu sinni gætum lifað í vellystingum praktúðlega þó okkur væru færðir gull og grænir skógar. Við myndum bara sigla fleyinu í strand í endalausu gullæði og neyslufylleríi, eins og okkur er sagt að við séum að gera núna. Við erum bara vitleysingar og þeir eru snillingar, sem stjórna bananalýðveldinu.

Það er kominn tími til að gera eitthvað annað en að tala og tala og mala og mala. Það er kominn tími til að sýna bananaplantekrueigendunum að það er fylgst með þeim og gera þeim það ljóst að þeir verði dæmdir af verkum sínum og hjáverkum líka þegar kemur að kosningum. Það er kominn tími til að hleypa heiðarlegum einstaklingum að því að stjórna þessu landi okkar til enn meiri hagsældar. Það er kominn tími til að hreinsa til í skúmaskotum þjóðfélagsins og koma bak við lás og slá glæpamönnum þessarar þjóðar, hvar sem þeir kunna að leynast. Það er kominn tími til að skila auðu í kosningum."

Mannauður...

...Alcan settur í öndvegi.

Ég man eftir að hafa heyrt svona fréttir fyrir mörgum, mörgum árum úr rekstri fyrirtækja Þorvaldar heitins Guðmundssonar, sem átti og rak Síld og Fisk, Ali og Hótel Holt, þegar hann var við stjórnvölinn þar á bæ.

Alvöru stjórnendur, sem kunna sitt fag og vita hvar auðlegð fyrirtækisins liggur!! 

Húrra fyrir góðum fréttum!!!

Kreppubónus hjá Alcan

Nokkrir...

...nokkrir Alþingismenn?  Hverjir? 

Nöfnin takk þannig að fólk í þessu landi sjái hvaða fulltrúar þess á þingi sjá sóma sinn í því að hafa fyrir því að hlusta á raddir fólksins í landinu!  Slík nafnbirting ætti líka að auðvelda kjósendum að gera upp hug sinn í komandi kosningum til Alþingis, sem væntanlega verða fyrr en lög gera ráð fyrir.

Troðfullt á fundi á Nasa

Nýi...

...ég. 

Ég hef ákveðið að skoða möguleikann á því að stofna nýjan mig hjá Hagstofu Íslands.  Í kjölfarið á stofnun nýs míns mun ég yfirfæra allar eignir gamla mín yfir á nýja mig en skilja allar skuldirnar eftir á gamla mér því mér finnst óréttlátt að ég þurfi - nýr eða gamall - að borga skuldir annarra í formi gríðarlegra stýrivaxta, hrikalegrar verðbólgu, síhækkandi vöruverðs, minnkandi kaupmáttar, lélegra launa og svo mætti lengi telja.

Lesið www.vald.org

Lélegur...

...málflutningur rökþrota manns sem talar í hringi og þvælir tóma steypu.

Lesið www.vald.org

Ekki hægt að taka aðra ákvörðun

Fólksflótti?

Í kjölfar hvarfs síldarinnar í kringum 1968, falls krónunnar um rúm 30% og mikils atvinnuleysis varð gríðarlegur fólksflótti frá Íslandi.  Sennilega hafa einhverjar þúsundir Íslendinga yfirgefið heimili sín hér, á þessum tíma, ýmist til lengri eða skemmri tíma og flutt til annarra landa.  Töluverður hópur þessa fólks býr enn utan Íslands, t.d. í Ástralíu, sem var vinsælt land á þessum árum.

Vonandi verður sú ekki raunin nú!

Ég sá Silfur Egils í dag og gladdi það mitt litla hjarta að sjá, í annað sinn á tiltölulega stuttum tíma, að Egill fékk í þáttinn til sín Jóhannes Björn, sem skrifaði m.a. bókina "Falið Vald" sem ég hef verið að hvetja lesendur þessarar blogsíðu til að lesa en það má gera með því að fara á slóðina www.vald.org

Hópuppsagnir í byggingariðnaði

"Holdings"...

...en ekki "Group"?  Þeir eru ekki dauðir úr öllum æðum fjármála"sérfræðingarnir" í henni veröld............

Lesið  www.vald.org

Fjárfestingarsjóður vill yfirtaka rekstur virkjana